Уваходныя білеты

    • Для дарослых 1 руб. 50 кап.

    • Для навучэнцаў ССНУ 1 руб. 20 кап.

      Cтудэнтаў ВНУ

      Пенсіянераў

    • Для школьнікаў 1 руб.

    • Для ваеннаслужачых тэрміновай службы бясплатна

      Дашкольнікаў

      Інвалідаў

      Ветэранаў Вялікай Айчыннай вайны

      Дзяцей-сірот

Экскурсіі

  • Аглядная экскурсія (да 25 чалавек) 5,00–8,00 руб.

  • Тэматычныя экскурсіі (да 25 чалавек) 9,00 руб.

  • Тэатралізаваная экскурсія (да 25 чалавек) 12,00 руб.

Замовіць экскурсію

Адукацыя

  • Тэматычныя заняткі (да 25 чалавек) 8,00 руб.

  • Лекцыі (да 25 чалавек) 12,00 руб.

Замовіць навучанне

Іншыя паслугі

  • Прадстаўленне інтэр’ера для фота-відэа здымкі 6,00 руб.

    (да 7 чалавек)

  • Выстаўка (часовая) 5 кап.

    (для ўсіх катэгорый наведвальнікаў)

Экскурсіі ў Музеі Максіма Багдановіча могуць праводзіць толькі штатныя навуковыя супрацоўнікі музея.

Навіны

«Венская» мэбля

Васілёк

Падсвечнікі

Газавыя лямпы

Чароўнае люстэрка

Старыя фотаздымкі

«Генерал стала»

Калекцыя А.Карпюка

Artкод. Алексей Карпюк

Госці нашага музея

У пятніцу 25 кастрычніка 2019 г. супрацоўнікі Музея Максіма Багдановіча мелі магчымасць пазнаёміцца з пяцікласнікамі сярэдняй школы № 39, што знаходзіцца ў мікрараёне Альшанка.

Вучні 5 «І» (настаўнік Чарток Таццяна Васільеўна) і 5 «Г», «В», «А» (настаўнік Кечань Марыя Мечыславаўна) былі папярэдне ўжо падрыхтаваныя да сустрэчы з навуковымі супрацоўнікамі музея, ведалі, што ў Гродне ёсць музей беларускага паэта Максіма Багдановіча, які ў дзяцінстве жыў у нашым горадзе разам са сваімі бацькамі і братамі.

Звыклы для пяцікласнікаў урок беларускай мовы і літаратуры ператварыўся ў тэматычны занятак з майстар-класам «Кветка Радзімы - васілёк». Занятак складаецца з дзвюх частак: тэарэтычнай з мультымедыйнай прэзентацыяй і гульнёй «Назвы кветак і раслін» і непасрэдна майстар-класа па вырабу паштоўкі з фаамірану з выявай васілька.

Спачатку дзеці пазнаёміліся з інтэр’ерам мемарыяльных пакояў музея, з сямейным фотаздымкам Багдановічаў, з першым фотаздымкам Максіма Багдановіча. Вучні паслухалі і паглядзелі відэафайлы вершаў М.Багдановіча «Зімой» (які па праграме вывучаецца ў 5-м класе) і «Слуцкія ткачыхі». Даведаліся пра тое, што кожная краіна мае сваю кветку-сімвал, для Беларусі – гэта васілёк (валошка), як гучыць назва гэтай кветкі на розных мовах (беларускай, рускай, польскай, лацінскай), якога колеру бываюць васількі, якую ролю адыгрываюць кветкі ў нашым жыцці, як і дзе мы іх выкарыстоўваем. На занятку дзеці пазнаёміліся таксама з гербарыямі, якія можна зрабіць з засушаных кветак.

Падчас гульні «Назвы кветак і раслін» вучні павінны былі па малюнку даць назву той ці іншай расліны на рускай мове, а затым назваць яе беларускі адпаведнік. Напрыклад, василёк – васілёк (валошка), подсолнух – сланечнік, клевер – канюшына, лён – лён, вереск – верас, клюква – журавіны, роза – ружа, земляника – суніцы і г.д. Спачатку былі пэўныя цяжкасці, але падчас замацавання пяцікласнікі адразу хорам называлі расліны па-беларуску.

На майстар-класе вучням расказалі пра штучны матэрыял – фааміран, яго ўласцівасці, для чаго ён выкарыстоўваецца і што можна з яго зрабіць. Кожны вучань атрымаў загатоўкі кветкі васілька з фаамірану блакітнага колеру, сцябла і лісцікаў – зялёнага колеру, папяровую аснову паштоўкі з фігурнай рамкай. Навуковы супрацоўнік музея  паказаў і дапамог дзецям зрабіць паштоўку з выявай васілька. Гэтыя паштоўкі вучні забралі з сабой у падарунак і на памяць аб нашай сустрэчы. У кожнага пяцікласніка сёння ў руках і ў сэрцах застаўся сімвал нашай Радзімы – васілёк.

Па мілых усмешках і эмоцыях вучняў, відаць, што тэматычны занятак «Кветка Радзімы - васілёк» спадабаўся ўсім. Спадзяемся, што вернемся ў СШ 39 яшчэ не раз.

Вялікі дзякуй настаўніку беларускай мовы і літаратуры Урублеўскай Эме Уладзіміраўне за арганізацыю нашай сустрэчы з вучнямі.

Прапануем усім нашу фотасправаздачу!

 

 

 

 

 

 

 

Віншуем са святамі

Увага! Новы нумар тэлефона!

Адзначым Дзень Маці разам!

Экскурсійны марафон

Ганаровыя госці музея

Адукацыйны семінар