19 – 22 красавіка 2016 г. у Мінску адбылася ХХІІІ Міжнародная выстаўка па тэлекамунікацыях, бяспецы, інфармацыйных і банкаўскіх тэхналогіях ТІБО-2016.
У межах гэтага мерапрыемства быў праведзены конкурс «Інтэрнэт-прэмія «ТІБО-2016» па 12 намінацыях:
- «Органы дзяржаўнага кіравання»;
- «Адукацыя і навука»;
- «Інфармацыйны рэсурс»;
- «Карпаратыўны інтэрнэт-рэсурс»
; - «Інтэрнэт-крамы»
; - «Культура і мастацтва»;
- «Спорт, турызм і забавы»;
- «Здароўе і медыцына»;
- «Для дзяцей і юнацтва»;
- «Іншамоўны інтэрнэт-рэсурс пра Беларусь»;
- «Арыгінальны інтэрнэт-рэсурс»
; - «Інтэрнэт-рэсурс банкаўска-крэдытных устаноў».
11 красавіка 2016 г. у Міністэрстве інфармацыі Рэспублікі Беларусь на чале з Першым намеснікам Міністра інфармацыі Рэспублікі Беларусь, старшынёй журы конкурса І. У. Луцкім, адбылося паседжанне журы конкурса «Інтэрнэт-прэмія «ТІБО-2016», на якім былі падведзены вынікі, вызначаны пераможцы і прызёры.
Урачыстая цырымонія ўзнагароджвання XIV Інтэрнэт-прэміі «ТІБО-2016» была праведзена 21 красавіка 2016 г. у Кангрэс-холе Бізнэс-цэнтра ГК «Вікторыя».
У намінацыі «Культура і мастацтва» сайт Музея Максіма Багдановіча ў Гродне заняў 2 месца.
Гродзенскі дзяржаўны гісторыка-археалагічны музей віншуе з узнагародай распрацоўшчыкаў сайта вэб-студыю «Іквадарт» і яшчэ раз шчыра дзякуе за плённае супрацоўніцтва і распрацоўку сайта.
Віншуем усіх намінантаў з узнагародай, жадаем поспехаў і новых творчых дасягненняў!
