У Музеі Максіма Багдановіча з 11 лютага працуе выстаўка “Я ўсё жыццё імкнуўся да святла”, прымеркаваная дня нараджэння Адама Багдановіча.
Адам Ягоравіч Багдановіч (20.03.1862, мяст. Халопенічы, Барысаўскі павет, Мінская губерня, цяпер Крупскі раён Мінскай вобласці – 16.04.1940, г. Яраслаўль) – беларускі этнограф, фалькларыст, мемуарыст, гісторык, мовазнавец.
Адам Ягоравіч Багдановіч, бацька вядомага беларускага паэта Максіма Багдановіча, быў выдатным этнографам, вывучаў беларускую культуру, фальклор і традыцыі, імкнуўся захаваць народную спадчыну для будучых пакаленняў. Яго даследаванні і публікацыі садзейнічалі развіццю этнаграфічнай навукі і прыцягнулі ўвагу да ўнікальнага культурнага багацця Беларусі.
З 1892 па 1896 год А. Я. Багдановіч працаваў у Гродзенскім аддзяленні Сялянскага пазямельнага банка і некаторы час узначальваў Гродзенскую публічную бібліятэку. У перыядычных выданнях “Минские губернские ведомости”, “Минский листок”, “Гродненские губернские ведомости”, “Нижегородский листок” былі надрукаваны яго артыкулы на этнаграфічную тэматыку. У 1920–1931 гадах А. Я. Багдановіч працаваў загадчыкам навуковай бібліятэкі Яраслаўскага дзяржаўнага музея.
На выстаўцы экспануюцца кнігі:
Н. Ватацы “Шлях паэта”,
“М. Горький и А. Богданович: дружба, рожденная на берегах Волги”,
А. Багдановіч “Пережитки древняго міросозерцанія у бълоруссовъ”,
А. Багдановіч “Страницы из жизни М. Горького”.
Таксама экспануецца дакументы і фотаздымкі: Пасведчанне аб шлюбе А. Я. Багдановіча і А. П. Волжынай, пасведчанне А. Багдановіча аб вучобе ў Халопеніцкім народным вучылішчы (1870-я гг.), фотаздымкі з фондаў музея, на якіх А. Багдановіч з М. Шчарбаковым, М. Горкім, А. Волжынай і інш.
Запрашаем на выстаўку!
Кошт – 20 капеек!
Музей працуе з 10.00 да 18.00, панядзелак – выхадны.