Уваходныя білеты

    • Для дарослых 2 руб.

    • Для навучэнцаў ССНУ 1 руб. 50 кап.

      Cтудэнтаў ВНУ

      Пенсіянераў

    • Для школьнікаў 1 руб. 20 кап.

    • Для інвалідаў, ветэранаў Вялікай Айчыннай вайны, ваеннаслужачых тэрміновай ваеннай службы, грамадзян, якія праходзяць альтэрнатыўную службу, дзяцей да сямі гадоў, дзяцей-сірот, дзяцей, якія засталіся без апекі бацькоў, асоб з ліку дзяцей-сірот і дзяцей, якія засталіся без апекі бацькоў, асоб з асаблівасцямі псіхафізічнага развіцця, якія атрымліваюць дашкольную, агульную сярэднюю, спецыяльную, прафесійна-тэхнічную, сярэднюю спецыяльную, вышэйшую адукацыю, музейных работнікаў. бясплатна

Экскурсіі

  • Аглядная экскурсія (да 25 чалавек) 7,00–10,00 руб.

  • Тэматычныя экскурсіі (да 25 чалавек) 12,00 руб.

  • Тэатралізаваная экскурсія (да 25 чалавек) 15,00 руб.

Замовіць экскурсію

Адукацыя

  • Тэматычныя заняткі (да 25 чалавек) 10,00 - 15,00 руб.

  • Лекцыі (да 25 чалавек) 15,00 руб.

Замовіць навучанне

Іншыя паслугі

  • Прадстаўленне інтэр’ера для фота-відэа здымкі 6,00 руб.

    (да 7 чалавек)

  • Выстаўка (часовая) 10 кап.

    (для ўсіх катэгорый наведвальнікаў)

Экскурсіі ў Музеі Максіма Багдановіча могуць праводзіць толькі штатныя навуковыя супрацоўнікі музея.

Навіны

Графік работы музея

У музеі з 28 верасня працуе выстаўка «Мае думкі часта лятуць у Гродна...», прысвечаная 130-годдзю з дня нараджэння Зоські Верас.

«Думаю: Гродна...

Бачу дзедаў парог.

І чую тупат сваіх дзіцячых ног...

Думаю: Гродна...

Адчуваю павеў маладосьці.

Ці не паехаць мне

У гэтае старое Гродна

у госьці?..»

З.Верас «Старое Гродна»

30 верасня спаўняецца 130 гадоў з дня нараджэння беларускай пісьменніцы, мемуарысткі, грамадскай дзяячкі Зоські Верас, сапр.: Людвіка Антонаўна Сівіцкая-Войцік (1892 – 1991). Вядомыя псеўданімы: Зоська Верас, Л. Войцікава, Мама, Мірко, Л. Савіцкая, Шара Пташка.

Нарадзілася ў сям’і вайскоўца Антона Сівіцкага і Эміліі Садоўскай, якія паходзілі з Гродзеншчыны. Пачатковую адукацыю атрымала ад бацькоў, у 1904 г. паступіла ў прыватнае гандлёвае вучылішча ў Кіеве. У 1905 г. жыла ў Луцку на Валыні. Пасля смерці бацькі ў 1908 г. пераехала разам з маці ў радавы маёнтак Альхоўнікі Сакольскага павету. Скончыла прыватную жаночую гімназію Кацярыны Баркоўскай, якая мясцілася ў камяніцы Стэфана Баторыя ў Гродне (1912), 10-месячныя садоўніцка-агародніцка-пчалярскія курсы і 6-тыднёвыя ваенныя санітарныя курсы ў Варшаве (1914). Падчас вучобы ўваходзіла ў Гродзенскі гурток беларускай моладзі, займалася літаратурнай творчасцю.

З 1915 г. Зоська Верас працавала сакратаркай у Мінскім аддзеле Беларускага таварыства дапамогі пацярпелым ад вайны. Супрацоўнічала з «Беларускай хаткай», дзе пазнаёмілася з Ядвігіным Ш. і яго дачкой В.Лявіцкай, з А.Смолічам і У.Галубком, пасябравала з М.Багдановічам. У канцы 1918 г. пакідае Мінск з прычыны хваробы маці і вяртаецца ў дзедаў маёнтак Альхоўнікі. У 1919 г. у Зоські Верас нарадзіўся сын Антон, яго бацька Фабіян Шантыр загінуў 1920 г. Жывучы ў Альхоўніках, Людвіка пісала вершы, прысвечаныя найчасцей малому сыночку. У 1922 г. пасля смерці дзеда маёнтак давялося прадаць.

У 1923 г. у лясным масіве на Панарскіх узгорках пад Вільняй разам з Антонам Войцікам пабудавалі прасторную хатку з галінак дрэў, абмазаных глінай. У гэтым шлюбе ў 1927 г. нарадзілася дачка Галіна, у замужжы Луцкевіч. У 1927-1931 гг. Зоська Верас рэдагавала ілюстраваны дзіцячы часопіс «Заранка», у 1934-1935 гг. – дзіцячы часопіс «Пралескі», у 1934-1938 гг. – пчалярскі часопіс «Беларуская борць». Яна ліставалася і сябравала са шматлікімі беларускімі грамадскімі дзеячамі і літаратарамі: Янкам Саламевічам, Данутай Бічэль-Загнетавай, Ларысай Геніюш, Вольгай Іпатавай, Сяргеем Панізнікам, Уладзімірам Содалем, Яўгенам Петрашэвічам і г. д. У «Лясной хатцы» бывалі пісьменнікі У.Караткевіч, Я.Пархута, Р.Барадулін, Л.Геніюш, Д.Бічэль-Загнетава, А.Бачыла, мастакі А.Марачкін, В.Маркавец, Я.Кулік, М.Купава, В.Целеш, А.Цыркуноў, вучоныя-літаратуразнаўцы А.Мальдзіс, Я.Саламевіч, Г.Кісялёў.

На выстаўцы «Мае думкі часта лятуць у Гродна...» экспануецца каштоўны фотаздымак, зроблены ў 1897 г. у Гродне ў фотамайстэрні І.І.Садоўскага-Л.Казлоўскага, на якім Людвіка Сівіцкая ў пяцігадовым ўзросце.

Да ўвагі наведвальнікаў прадстаўлены: рукапісы ўспамінаў З.Верас «Старое Гродна» і «Нёмну...» (1982); самаробны альбомам «Горадзенскі гурток беларускай моладзі» (1980-я); нумары часопіса «Заранка» (1927-1929 гг.), у адным з іх надрукавана апавяданне «Папера» Л.Войцікавай, у другім – «Мушка зелянушка і камарык – насаты тварык» М.Багдановіча; факсімільнае выданне «Беларуска-польска-расейска-лацінскага батанічнага слоўніка» (Вільня, 1924); кніга вершаў і апавяданняў для дзяцей «Каласкі» (1985); экслібрыс З.Верас (з надпісам аўтара Вячкі Целеша), фотаздымкі пачатку 1980-х гадоў,на якіх Зоська Верас сфатаграфавана ў садзе свайго дома ў Вільні, у тым ліку з роднымі і знаёмымі.

Музейны фестываль

Госці музея

Графік работы музея

«Як Вас завуць?»

Ноч у музеі

Маркізет

Якуб Колас «Водгульле»

Беларускія супы

Русалка

Рэжым працы музея

Лазапляценне

Зоська Верас

Ніл Гілевіч

Разьба па дрэву

Кафляныя печы

Аканіцы

Cаломапляценне

Грампласцінкі

«Кніга»

Партрэт

Батык

Вышыванне

Вадзянік

Камода

Лясун

Загадкі і круцігалоўкі

Куток смеху

З гісторыі этажэркі

Шкляныя мухалоўкі

З гісторыі алоўкаў

Конік-качалка

Шчыпцы для цукру

Посуд Кузняцовых

Жабка-попельніца ХІХ ст.

Гісторыя мяккіх цацак

«Венская» мэбля

Васілёк

Падсвечнікі

Газавыя лямпы

Чароўнае люстэрка

Старыя фотаздымкі

«Генерал стала»

Калекцыя А.Карпюка

Artкод. Алексей Карпюк

Госці нашага музея

Віншуем са святамі

Увага! Новы нумар тэлефона!

Адзначым Дзень Маці разам!

Экскурсійны марафон

Ганаровыя госці музея

Адукацыйны семінар