Уваходныя білеты

    • Для дарослых 1 руб. 50 кап.

    • Для навучэнцаў ССНУ 1 руб. 20 кап.

      Cтудэнтаў ВНУ

      Пенсіянераў

    • Для школьнікаў 1 руб.

    • Для ваеннаслужачых тэрміновай службы бясплатна

      Дашкольнікаў

      Інвалідаў

      Ветэранаў Вялікай Айчыннай вайны

      Дзяцей-сірот

Экскурсіі

  • Аглядная экскурсія (да 25 чалавек) 5,00–8,00 руб.

  • Тэматычныя экскурсіі (да 25 чалавек) 9,00 руб.

  • Тэатралізаваная экскурсія (да 25 чалавек) 12,00 руб.

Замовіць экскурсію

Адукацыя

  • Тэматычныя заняткі (да 25 чалавек) 8,00 руб.

  • Лекцыі (да 25 чалавек) 12,00 руб.

Замовіць навучанне

Іншыя паслугі

  • Прадстаўленне інтэр’ера для фота-відэа здымкі 6,00 руб.

    (да 7 чалавек)

  • Выстаўка (часовая) 5 кап.

    (для ўсіх катэгорый наведвальнікаў)

Экскурсіі ў Музеі Максіма Багдановіча могуць праводзіць толькі штатныя навуковыя супрацоўнікі музея.

Навіны

21 мая 2019 года Музей Максіма Багдановіча адчыніў дзверы гасцям і ўдзельнікам літаратурна-музычнага мерапрыемства «Хвалююць сэрца нам дзявочыя пастаці, і душы мацярэй нас могуць чараваці…». Невычарпальная тэма любові і кахання аб’яднала ў гэты дзень гродзенскіх паэтаў, празаікаў, публіцыстаў, музыкантаў, студэнтаў, навучэнцаў і проста аматараў паэтычнага слова.

Вобраз Мадонны, Жанчыны-Маці, Каханай, загадкавай Незнаёмай займае важнае месца ў творчасці Максіма Багдановіча. Калі б можна было сустрэцца з паэтам, варта было б проста паглядзець яму ў вочы – яны люстэрка душы. Але, на жаль, такой магчымасці мы не маем, таму ўглядаемся ў іншае люстэрка – яго вершы.  Самыя розныя сустрэчы і пачуцці пакінулі след у памяці М.Багдановіча. І для кожнай з іх у паэта знайшліся ўзнёслыя словы. Вершы, у якіх паэт дзеліцца радасцю маладосці, успамінамі аб першым каханні, разважае над трагічнасцю кахання, з цеплынёй і пяшчотай спрабуе зазірнуць у думкі жанчыны-маці, прагучылі ў выкананні студэнтаў філалагічнага факультэта УК «Гродзенскі дзяржаўны ўніверсітэт імя Я.Купалы» –  Ангеліны Брусянковай, Ганны Санько, Лізаветы Гайдукевіч, Мілены Васілеўскай, Анжэлікі Якаўчук, Ганны Пугачэўскай, Алесі Касцюк, Карыны Захарчанкі, Ульяны Мыслівец, Андрэя Страка («Маладыя гады», «Ізноў пабачыў я сялібы», «У полі дзікім і апусцелым», «Я хацеў бы спаткацца з Вамі…», «Осенью», «Учора шчасце толькі глянуля нясмела», «Тым вянкі суровай славы», «Вераніка», «У вёсцы»). Вельмі прыемна, што студэнтаў падрыхтавала да ўдзелу ў мерапрыемстве кандыдат філалагічных навук, дацэнт Ляскевіч Святлана Георгіеўна.

Паэзія Максіма Багдановіча напоўнена вытанчанымі мелодыямі. У выкананні навучэнцаў УА «Гродзенскі дзяржаўны прафесійны каледж камунальнай гаспадаркі» Руслана Бекяшова (вакал) і Паўла Кавальчука (гітара) прагучала песня  «Запяі мне песню…» на словы Ларысы Геніюш, а «Твае карыя вочы» (з рэпертуара сучаснага выканаўцы Ахра) ўразіла ўсіх прысутных дзяўчат і жанчын.  Кранальным падарункам усім мамам у свеце стаў кліп і песня «Мама», якую выканаў Руслан Бекяшоў. Мама, Матуля, Маці… Для кожнага з нас Яна  – самая прыгожая, самая пяшчотная, самая любімая, самая лепшая!

Незабыўныя эмоцыі падаравалі гасцям Таццяна і Павел Салаўёвы. Таццяна – аўтар песень, кампазітар, лаўрэат і прызёр беларускіх, украінскіх, расійскіх і польскіх фестываляў аўтарскай песні, Павел - паэт і музыкант, двойчы лаўрэат фестываля «Віцебскі лістапад», адзін з арганізатараў фестываля «Зялёны Гран-пры», аўтар праекта «Музыка гродзенскіх вуліц». Таццяна і Павел – удзельнікі Клуба (Не)Арганізаваных Бардаў, лаўрэаты фестываляў «Інтэрнацыянальнасць» у Кіеве, «Славянская ліра» ў Мінску, «Музыка сэрцаў» у Навагрудку і «Сонечны» ў Кобрыне. На нашым мерапрыемстве яны выканалі некалькі кампазіцый, і ад песні да песні слухачы перажылі цэлую палітру разнастайных эмоцый – і радасць, і смутак, і хваляванне, і захапленне.

У тым, што паэзія – гэта сапраўды музыка для душы, гэта хараство, розум, велічнасць і светласць зямнога жыцця, упэўнілі ўсіх прысутных члены Гродзенскага абласнога аддзялення Саюза пісьменнікаў Беларусі: паэт, пісьменнік, літаратурны крытык Дзмітрый Мікалаевіч Радзівончык (намеснік старшыні), паэт, публіцыст, бард, блогер Анатоль Уладзіміравіч Апанасевіч, паэт Браніслаў Іосіфавіч Ермашкевіч, паэт, аўтар кніг для дзяцей Віктар Сямёнавіч Кудлачоў.

Ці вычарпальная тэма любові і кахання ў творчасці, у паэзіі? Адказ відавочны. Апошні верш на зямлі ніколі не будзе напісаны … пакуль існуюць каханне, любоў і надзея на тое, што жадаемае збудзецца. Свае цудоўныя вершы прадставілі слухачам члены Гродзенскага літаратурнага аб’яднання «Надзея»: Святлана Валянцінаўна Глямбоцкая (кіраўнік), Аляксандр Захаравіч Рабыкін, Наталля Васільеўна Озерава.

Дзякуй усім гасцям і ўдзельнікам за шчырыя словы, натхненне, святочную атмасферу, асалоду душы!

Віншуем са святамі

Увага! Новы нумар тэлефона!

Адзначым Дзень Маці разам!

Экскурсійны марафон

Ганаровыя госці музея

Адукацыйны семінар